比利時友賽科特迪瓦,一眾買咗比利時嘅捧場客,見到個正選陣容都諗住坐定粒六收錢啦,點知呢隊「紅魔」贏緊兩球都俾人追和,第二球仲要係補時階段失嘅,都咪話唔激氣。全場焦點係比利時前鋒賓迪基(左二),佢喺上半場領先1:0嗰陣整個世紀miss,門前7碼都唔入,搞笑程度拍得住本地球壇經典嘅單刀橫傳。