拜仁慕尼黑今季無論喺德甲定歐聯都贏到開晒巷，坐擁超過半隊拜仁主力嘅德國隊，當然成為今屆世界盃大熱門之一；但今場對住實力差一皮嘅智利，僅僅靠上半場16分鐘，奧斯爾（右）助攻畀馬里奧葛斯嘅入波小勝。教頭路維（左）就嬲到爆炸，話班球員今場完全唔夠對手打，仲暗指部分球員如果想有份去巴西嘅話，一定要努力改善先有機會。