鄭多燕嘅健康舞瘋魔全港女性，連「靚太」醫生鄭信恩都跟住跳埋一份。本身係大埔那打素醫院同大埔醫院行政總監嘅鄭醫生，因為03年爆發沙士，每日晏晝430喺電視做直播匯報疫情，獲得「靚太」美譽。
其實靚得健康，開心好重要，靚太噚日同傳媒聚餐就自爆幾個月前開始跳鄭多燕舞keep fit，每星期至少跳三次。跳舞之後覺得自己fit咗又開心咗。仲話舞步簡單易學，叫記者都去學吓。
唔講唔知，新界東醫院聯網早於06年自創一套「健體十式」嘅伸展運動（圖），內容同鄭多燕嘅健康舞好似，主要鼓勵員工開工前齊齊拉筋，減少工傷。靚太話間中都會做呢套伸展運動㗎。