近日網上瘋傳一個日本電視節目畫面，內容講述新潟縣一間小學，安排36位小五學生，花150日照顧兩隻名叫「空飛」和「太陽」的小豬，但最後要這班小學生親眼目送小豬送往屠房宰殺，更把切好的豬肉分給他們吃掉，並告訴學生說：「這是太陽切下來的肉片。」不少學生掩耳不願聽小豬的慘叫聲，甚至嚎哭。這種激烈教育方式，引起網民熱烈討論。
根據日本新潟縣上越教育大學附屬小學網站資料，這班是小學5年級學生，他們要將照顧小豬起居飲食的過程、感受和圖片，上載到網頁交代進度。不過圖片集到了去年11月中，即「空飛」和「太陽」前往屠宰前一日後，便沒有再上載。
其實，2008年日本電影《和豬豬一起上課的日子》都曾經將類似真人真事搬上銀幕，講述小學生對養育小豬到宰殺小豬的內心爭扎。據了解，學校是希望透過這種方式，讓學生明白到現實殘酷以及要珍惜食物，但不少人都認為對天真無邪的小朋友過於殘忍。
香港大學心理學系講座教授區潔芳都不建議採取這種教育方式，「一來豬係哺乳類動物，然後又幫佢改名，又咁有感情，又咁長時間相處，小朋友會當咗佢哋係寵物，咁樣我覺得唔係做得太好。」她建議可以改為耕種，同樣能讓小學生體驗農夫辛酸，學懂珍惜食物。連向來喜歡「食花生」的高登網民，都義正詞嚴批評這種做法傷害小孩弱小心靈。
網民點睇：
蝦條少爺：係香港嘅已經暴動大遊行啦，不過對小朋友嚟講好殘忍。
petitsomeone：完全唔理人感受嘅教育。
prayformum：其實農村大把都係咁，養大啲雞劏黎食，不過名都改埋先覺得好殘忍，特登搞到佢哋有感情。
EvaHui520：係好真實，但係都係好殘忍，我唔想小朋友受到呢種打擊。
Queenie：變態！可以有好多方法教生命教育！使唔使咁痛擊細路心靈？
B.Howedes：黐線，兒時嘅心理陰影真係可以影響一世，點解啲人仲話呢啲先係教育？