【跑馬地】諸葛紫岐生完仔後，好快收身成功，可能忙住湊仔，所以𠵱家出街都好求其。
日前下晏5點幾，佢叫司機車佢去跑馬地一間茶餐廳醫肚，冇化妝嘅諸葛着住粉紅外套，披頭散髮，一發現有記者喺附近，佢入到茶餐廳就揀咗個角落頭坐，20分鐘食咗個快餐極速鬆人，出嚟嘅時候，即刻戴番口罩遮住個素到嚇親人嘅素顏，然後尷尷尬尬打招呼衝上車返屋企。採訪、攝影：畢紹基
