世界盃對我來說，可謂意義重大，畢竟我小時候未有太多直播賽事，所以對當時免費電視台直播世界盃的印象最為深刻。雖然曾經追捧過有「夢幻組合」白必圖、羅馬里奧的巴西，但今年就睇好利物浦前鋒蘇亞雷斯，相信他在南美洲半個主場下，可帶領烏拉圭封王。
我自9歲開始便看世界盃，就算半夜三更，也要「爬」起身睇，甚或瞞着爸爸到住在附近的朋友家中一齊睇。94年世界盃開始收集球星貼紙，如巴西的鄧加、白必圖等，個個都好厲害。不過人大了便不再單看球星的技術，反而更欣賞球隊的凝聚力，如日本雖有眾多外流球員，但表現得非常團結，我作為亞洲足球一分子也睇好他們；相反，法國在亨利、施丹等球星缺陣下，已不再團結，不太看好。
講到今年最期待的球員則是蘇亞雷斯。畢竟利物浦今季專攻聯賽，加上他在季初停賽10場，預計到6、7月仍有良好體力，所以他率領的烏拉圭不容忽視。至於德國及比利時，兩者的青訓亦相當出色，預計今年是收成期，有衝冠機會。
