噚日亞洲盃外圍賽伊拉克對中國，呢場波喺位於阿聯酋嘅中立場踢，但名義上係伊拉克主場，但呢個主辦單位做嘢就真係是是旦旦，張波飛竟然印錯咗中國個名，由CHINA變咗CHIAN（圖）。印錯嘢不特止，伊拉克仲要擺明掠水，自己友主場球迷票價只係賣8同15美元，但賣畀中國作客球迷就索價100美元，結果被投訴之後先臨時減價到27美元，認真是旦。