黃曉明送230萬元林寶冧baby，令全城嘩然，不過呢一場真人騷講到尾，都只係一個「植入式廣告」。「植入式廣告」是指將具有代表性的品牌符號融入影視或舞台產品中，給觀眾留下相當的印象，以達到營銷目的。
落廣告當然要先畀錢，230萬元林寶呢件重要道具當然唔慳得。不過黃曉明貴為去年福布斯中國名人榜中人，年收入約9,600萬元，230萬元只佔收入2.4%；以一個月入2萬元打工仔，如佢買約5,700元禮物畀女友，約一部iPhone 5s價錢，比例上佢嘅付出可算係同黃曉明一樣。所以話今次廣告費對海綿蛋糕來講，真係唔係乜大錢。
至於廣告觀眾亦早有安排，全城記者能夠由機場跟到去餐廳，以最佳角度拍攝，事前放風工作一定要準備充足。OK，埋位，來自星星的曉明take 1，終於baby以精湛演技演繹出偶像劇女主角既驚且喜，心花怒放的情感，並成功霸盡全港C1兼網絡瘋傳，曉明baby呢對碧人隨即人氣急升，工作接踵而至。
曉明今次230萬元有咁嘅回報都算係咁。不過下次再上演真人騷前，聯絡定各大品牌，例如林寶咁，sell自己時兼賺錢，一舉N得。「植入式廣告」特徵係，你一睇就知係廣告。當日架林寶好快俾人發現，係baby以私人公司所持有，這不是騷是甚麼？
Fifi
本欄逢周二、四刊出