恒指喺22400同22725俾人挾住，炒股唔炒市嘅基調不變，唔使驚，Prof J喺大廳！Yo！
前排Prof J出席咗華商領袖年會，一路聽，一路同人打招呼，發現台上有個演講者，談及一個有趣、特別嘅題目「母親係我最大的格局」，原講者係深圳龍頭地產股大中華地產（021）董事局主席黃世再。
國內地產嘅主席通常對農村城市化充滿熱情，唔係邊有商機，創造唔單止係自己嘅財富，仲有社會嘅財富，對母親尤其敬重，係一個重孝嘅社會企業家。
同時間，黃主席具備挑戰精神嘅企業家，佢係新加坡華僑，喺美國生活過、工作過，累積咗好多年豐富嘅房地產市場經驗。再早年喺外國留學，作為愛國華僑嘅佢，曾經係唯一嘅華人企業傑出代表參加聯合國60周年慶典，確係國際視野，男兒志在四海。
佢早前喺深圳龍珠花園項目中，首創「購房入戶」呢個概念而被譽為農村城市化第一人；因為喺滙展閣項目中發展「深港一體化、口岸物業」而俾人稱呼做「外銷概念」第一人，同時又俾人叫做「酒店式公寓」第一大當家；佢憑住大中華國際交易廣場，被稱為「進軍中心區第一人」。
大中華地產股價點穴
另外，黃氏更致力推動企業理念，喺企業發展過程次中，本住同社會及市場相互促進、同步發展、共同繁榮嘅目標，實現雙贏。
早排，大股東透過配售持股，由公眾人士持股嘅比例去番26.12%符合番上市最低規定！重點係配股價偽0.37大洋，近期股價好似俾人「點咗穴」，成交又唔多，又開始符合Prof J嘅名句，「貨已乾，等亮光。」咁樣我又會開始望住佢。點都好Prof J名句繼續追蹤，出發！
徐燦傑
中國銀河國際財富管理主管
本欄逢周三刊出