無緣今夏世盃嘅丹麥，周三造訪溫布萊查實係幫英格蘭練兵，但中堅卡積亞（圖）此行仲有一個重要目的，就係要幫老竇換件謝拉特波衫返屋企；原來佢屋企上下都係利物浦粉絲，一路當謝四神咁拜，但老老實實，卡積亞想攞對方件波衫，一早問同樣效力紅軍嘅國家隊隊友丹尼爾艾格攞咪得囉，使乜等到今日呀！