以為港股破位脫險，豈料又是個陷阱！俄國擬出兵烏國，地緣政治局勢緊張，且俄國突然大幅加息1.5厘，拖累股市大瀉。圖表上，恒指上周四破位後，連出兩支陰燭，假突破味濃，要慎防再試低位。
昨日弱市另一證據為濠賭股，上月博彩收入創歷史新高，完全喜出望外，以為午市賭股可爆一段，點知興奮唔夠15分鐘就散水，可見大戶逢高派貨，濠賭股已不再強勢，難以支撐大市。如今得番隻騰訊（700）硬頂，港股強極有個譜，即使個市唔散，最多都係回到「炒股不炒市」，絕不易炒。
面對呢個市況，又係時候用魏力提過的「細價股大包圍」策略，揀五至八隻細價股，平均注碼買入，然後汰弱留強，唔升就沽，換入升的股份，這樣隨時可扑中倍升股！請留意fb開市期間的update！
「中海系」成員遠東環球（830）去年新簽合約額18.3億銀，按年增長55%，目標符合預期，今年目標升至20億銀，可見業務漸上軌道。昨日股價有突破，可以跟進，目標去番上市高位3蚊！
圖表上，去年11月以來，遠東環球形成「頭肩底」走勢，昨日大成交突破頸線2.1元，逆市急漲6.2%，收報2.22元，剛好企於250日線收市，更衝破去年4月及7月形成的兩隻腳，成幅圖唔同晒，RSI與MACD拾級而上，發出轉勢爆升的訊號！
魏力
http://www.facebook.com/2012jason