除咗咖啡，奶茶亦係好多香港人嘅至愛，有數據講過，港人每年飲超過九億杯奶茶。上市不足半年嘅天喔國際（1219）主要賣開茶同酒，噚日都話要加入奶茶戰團，在港賣支裝奶茶，又搵來張學友做代言人。主席林建華寸嘴話，有信心做「奶茶一哥」，要超越對手康師傳（322）同統一（220）只係時間問題咁話。
本港奶茶市場越來越熱鬧，除咗有太古A（019）代理嘅雀巢奶茶、華創（291）同麒麟合資嘅「午後之紅茶」，連茶餐廳太興都有罐裝奶茶。但佢哋嘅售價亦越來越貴，去便利店買嘅話，10蚊未必找好多。
就連本集團大樓嘅自動售賣機，其中一款奶茶都話要於本月中開始加價15%。