長實和黃上周五宣佈業績，主席李嘉誠恢復參與記者招待會，席間一句「有能力嘅人唔出聲，冇能力嘅人爭住出嚟做」，被認為直指現屆梁振英政府。李超人翌日晨早十點半再急開記者會，指無講過是指梁振英，又話咁講對梁唔公平，因為「佢都有盡力嘅」，卻不評論梁班子是否沒能力的人，更拒絕開口支持梁振英。
李超人又話他自己公司也有冇能力也爭住要做的人，以圖消弭對梁班子批評。但明眼人都知李超人這番話怎會是講自己公司，自己公司的事一句說話就解決，何須在公眾面前講？更何況李超人說這句話的前文後理都在談香港競爭力，因此被解讀為暗諷梁班子，並非無的放矢。
對於李超人這次講完又兜番，一位中環友認為是高招，起碼都鬧完先，算是較城中其他超級富豪有guts。沙膽虹則認為，李超人作為首富，連講句真心話批評政府都有顧忌，香港言論自由不就是這樣逐步收窄的嗎？除非李超人已放棄香港，否則真心將他認為現在的問題和不是直言，又有何妨？
沙膽虹
twitter賬號：khcheung1