《明報》前總編輯劉進圖被狂斬六刀重傷一事轟動全港，中文大學校長沈祖堯，噚日就喺facebook有感而發，話近日香港充滿住黑暗同埋絕望，但希望大家仍然有說話嘅勇氣，沈祖堯話：「我相信香港終會走出黑暗，我相信神仍然看顧我們」。
沈祖堯仲喺facebook分享咗一首聖詩《To Believe》，似要為劉進圖同香港祈禱。喺「CUHK Secrets」嘅facebook專頁中，有人話以沈祖堯校長為榮，因為劉進圖被斬一事，唔少有地位、有身份嘅人，選擇明哲保身，閉口沉默作壁上觀：「但沈校長仍舊盡力、在可以堅持的範圍內發中直之言、行應義之事。」