以下係一則尋找失物呼籲，喺前日「新聞界反暴力聯席」舉行嘅大遊行上，1.3萬人怒吼They can't kill us all，新聞界唔慣上街，好多物資都係透過民間團體友好臨時借用。當日民陣同天主教正義和平委員會，喺短時間內班咗七支大聲公、兩支長梯畀記協等新聞界團體用。但係遊行完後記協點算物資，竟然發現唔見咗其中一支由正委借出嘅大聲公，呢支「公」，上面標咗「正委」兩個字。記協噚日喺fb呼籲，如有拾獲，可以同記協職員聯絡，唔使開住個大聲公大嗌㗎，打個電話上去或者喺fb留言就OK。有失又有得啦，八方聽聞，遊行過後，記協無端端多咗一批文具，包括有50卷雙面膠紙同好多卷藍絲帶同扣針，睇怕有排用。