【本報訊】香港摩根大通一名經理，上月疑因工作壓力跳樓身亡，反映投資工作雖然入息高，但壓力也長期處於高水平。30歲的劉偉恆原本是銀行經理，五個月前看破金融世界的殘酷，放棄高薪厚職而開設咖啡店，開店首三個月零得益，更日做12小時，但卻尋回失落已久的滿足感，「我成功帶到開心嘅感覺畀客人，有一種感動！」
記者：潘婉玲 麥超億
荃灣近月出現一家小店，裝潢時尚簡約，店主劉偉恆（Joe）才30歲，理工大學金融系畢業的他，曾是銀行客戶經理，主責投資銷售及財富管理，年紀輕輕已月入5、6萬元，卻於去年10月毅然引退，開設這家咖啡店。
首三個月冇糧出
開店首三個月只能維持收支平衡，作為老闆當然冇糧出，加上人手不足，連洗碗工作亦要親力親為，但他卻是「鼎鑊甘如飴，求之不可得」，皆因看破金融世界的貪婪與殘酷，「銀行唔係以客人利益為先，係以盈利為先，有人人工好好，升職好快！」風光背後，Joe面對的是排山倒海的壓力，無論市況好壞，每月均要跑數100萬，此百萬是單指銀行獲得之利潤，客人需投資約一、二千萬，若遇股市下跌，每周數次的「照肺」大會是等閒事，「唔會鬧，但會問『點解今個月比上個月差？有啲客點解你sell唔到？』」
Joe深明花無百日紅，「好多（同業）要layoff（遣散），（公司）叫佢離職，當佢無咗利用價值就放棄佢，或者要轉去人工低啲嘅職位繼續生存」。
去年10月，Joe與朋友合資逾百萬開業，離開沉醉了七年的金錢世界。原以為Joe已經找回失落已久的悠閒生活，誰知剛好相反，「𠵱家無假放，日日做足12個鐘，開張到𠵱家只放過三日假，之前住馬鞍山，𠵱家搬咗嚟荃灣！」像是埋怨，卻又面帶笑容，「有啲客人食完話『好食呀』，我成功帶到開心嘅感覺畀客人，唔單只係數字上嘅滿足感，係有一種感動！」現時店子生意漸上軌道，收入亦有上升，Joe計劃開設分店，也許旁人認為他太冒險，「失敗咗，都係無咗呢幾年嘅積蓄，大不了重新再嚟過！」
