一眾「果迷」有福啦，如果你有留意吓政改，答啱問題，隨時可以贏到MacBook Air或者iPad Air喎。事關港島各界聯合會搞咗個「政制通識知多D」問答比賽，只要答啱10條MC，就有機會贏到獎品，第一名有MacBook Air（11吋、128GB）；第二名有iPad Air（16GB）；但第三名就削好多，得500蚊書券。
呢個超級無敵政改獎門人遊戲，啲問題都幾「有趣」㗎，例如係「香港特別行政區的設立與實行制度，包括政治體制、憲法，根源是國家的＿＿」A.《憲法》；B.《基本法》；C.《憲法》+《基本法》；D.人大的決定。Well，到底係憲法大；憲法加基本法大；定係阿爺最大，你覺得呢？