【本報訊】多名留英學生早前發起「撐自由 譴暴力：留學生聯署行動」，聲援受襲的《明報》前總編輯劉進圖，三日內收集到2,600個簽名。來自倫敦政治經濟學院的發起人批評梁振英次女、校友梁齊昕的言論「離譜（outrageous）」，澄清大部份當地學生並不認同梁的立場。
「大部份人唔同意佢」
一群留學英國的香港大學生自發舉辦「撐自由 譴暴力：留學生聯署行動」facebook聯署，發起人包括倫敦政治經濟學院、帝國理工學院、倫敦大學學院及倫敦英皇學院學生，三日間逾4,300人聯署專頁，2,600人簽名，所有簽名昨遞交香港記者協會。
行動發起人之一、倫敦政治經濟學院政治系二年級生Joyce接受電話訪問時稱，當地部份鮮有留意時事的港生也對事件「好大反應」，「大家覺得要做啲嘢，件事超越底線，點解會喺香港發生？好似變咗唔係大家熟悉嘅香港」。她稱感覺香港近半年不斷倒退，「成日都有事發生，成日要搞petition（請願），唔出聲又唔得，令我哋有impact（影響），要再三考慮返唔返嚟香港」。
梁齊昕早前在fb留言指「襲擊與新聞自由究竟有甚麼關係？（What does the attack have anything to do with press freedom?! come on people）」Joyce認為師姐梁齊昕「離譜」，「佢講嘅嘢好outrageous，大部份喺度讀書嘅人都唔同意佢，但啲人人身攻擊佢，亦唔係最appropriate（合適），不過佢自己set咗個profile public，好似有少少唔介意俾人攻擊咁」。