狼英施政，好鍾意乜嘢都事先研究一番。咁啱政制及內地事務局轄下嘅消除歧視性小眾諮詢小組，為了想了解吓性小眾受到歧視嘅真實情況，噚日就話會展開研究計劃，招募至少200位同性戀者、雙性戀者、跨性別人士、後同性戀者同有其他性傾向或性別認同人士參加。諮詢小組委託顧問「政策二十一」進行研究，參加者網上報名時須填寫性傾向同提供聯絡資料，但毋須提供真實姓名，報名網址：mailto:www.policy21.org/discrimination。
今次同志係時候站出嚟，講清講楚有乜嘢苦況啦。呢個研究會喺今年內完成，再交諮詢小組跟進，希望到時狼英唔好就立法保障性小眾問題，一拖再拖啦。