貴嘢未必一定好，好似今日睇娜姐場波既VIP觀眾，畀咗2,500蚊入場睇波，雖然係最前排嘅握手位，但賽會只安排摺凳（小圖）畀觀眾，望落去似記者席多過VIP座位，佢哋嘅位置同1,650蚊嘅差唔多，但貴成千蚊，值唔值就見仁見智啦。
蒲咗先講
捷克球星貝迪治（左）剛剛喺杜拜網賽決賽1:2輸畀費達拿後，轉頭就同名模女友莎杜露娃（右）飛到香港，佢哋抵埗後不但冇休息，仲走咗去蒲㖭，搞到𤏸昏6點幾先番到酒店，至於會唔會影響今日鬥曉域治嘅表演賽，就睇過先知囉。
來者不拒
除咗娜姐平民化落區食蟹外，佢今日嘅澳洲對手史杜莎（左）亦好親民。呢位2011年美網女單冠軍，噚日一身運動look出酒店買咖啡，期間有球迷問佢攞簽名，nice爆嘅佢都來者不拒，仲好大方話首次訪港，聽日想抽空去濕平㖭。
