以自由身加盟快艇嘅明星前鋒格蘭加，原本預定上周六喺主場對塘鵝一戰「地標」上陣，但因為會方過咗限期先提交陣容變動名單，球證唔畀格蘭加上陣，搞到佢嘅地標戰要Hold住。好彩快艇人才濟濟，基斯保羅同比歷克格芬各攻入21同20分，助球隊以108:76輕取塘鵝。至於其餘自由身球員亦陸續落班，其中俾帝王裁走嘅射手費迪堤，就正式加盟公牛。