容祖兒、何韻詩、譚詠麟及鍾欣潼（阿嬌）等歌手，前晚在將軍澳錄影《IFPI香港唱片銷量大獎2013》，過氣密友祖兒與阿詩同場對壘，但二人未有碰面，阿詩錄影完即閃，然後祖兒才到場。結果阿詩奪五獎，成為大贏家，祖兒雖差0.5個獎飲恨，但就奪取了「全年最高銷量女歌手」。已故歌手陳僖儀奪得四獎項，包括「全年最高銷量廣東唱片」，其母及妹妹專程到場代領。
阿詩同祖兒如今各有所屬，阿詩早前與緋聞女友鄧九雲同遊日本，她起初說：「總之有攝影師陪同，唔係邊個幫我影相。」追問她攝影師是否鄧九雲？她最終說：「大家意會啦！唔使講到咁白嘅。」鄧九雲在微博晒收到一套故事書作生日禮物，阿詩笑說：「係隻狗送㗎，大家意會啦！唔好再逼我。」有網民爆她在澳洲買了巨型廣告牌向鄧九雲示愛，阿詩直斥傳聞：「黐線，我就算有閒錢都唔會咁嘥法。」
祖兒停工三個月
因聲帶爆血管及生瘜肉飽受困擾的祖兒透露，情況比之前更嚴重，需休養三個月，她說：「唔想做手術，驚有危險，希望瘜肉會自然消退。因為唔想表演時咪嘴，所以推晒工作，淨係唔想甩底伍樂城個音樂會。」譚詠麟就踢爆祖兒男友劉浩龍最近沒練波，可能為陪女友養病。此外，阿嬌被指貪便宜買質素差樓宇，她說：「媽咪管錢，佢拎乜畀我就簽，我冇睇，所以唔知呢件事。我只係希望可以喺大陸橫店買間千萬元別墅自住，方便長駐內地拍劇。」
撰文：麥萍萍
