冷血刀手光天化日下想攞傳媒工作者嘅命，自然激起唔少港人熱血聲援反暴力。講到熱血嘞喎，AV人一啲都唔會輸蝕啦，有朋友向八方報料，號稱係世界第一全中文成人娛樂網站嘅ThisAV.com，噚日喺網頁上嘅banner綁上藍絲帶，用實際行動撐新聞自由，有高登網民話呀，「對比起啲沉默嘅偽君子，ThisAV反而顯得更有人性」，又大讚網站一直好關心香港時事。
查實喺反國教一役，ThisAV.com曾一度暫停網站以示聲援，相比起一啲對新聞自由齋講唔做嘅政客同某啲傳媒，AV人似乎更加有心有力，難怪唔少高登巴打挺ThisAV係香港良心。