肥佬黎問靚靚是否從小便覺得自己生得靚？她答：「咁又唔係。我阿妹個樣鬼鬼哋，所以由細到大個個都讚佢靚，冇乜人會讚我。」靚靚表示兩姊妹都有點「鬼鬼哋」，亦懷疑過祖宗是「外族」，她說：「但係我唔敢問，驚會畀人打。冇理由問阿嫲係咪雜雜哋？」
坊間常說漂亮的女人多數會選相貌平庸的老公，因為比較有好全感，Tanya問靚靚揀ChiLam時可有考慮這一點。靚靚坦言當初沒有考慮這麼長遠，只是直覺認為對方適合自己：「第一眼一定係靚仔，咁傾落偈又覺得OK喎，有啲智慧，有啲EQ，有啲內涵。因為呢個圈好多靚仔，你同佢講兩句嘢就會知得個殼。」靚靚記得與ChiLam剛剛拍拖時，身邊的好友都反對，認為「靚仔冇本心」。周潤發妻子甚至叮囑她小心一點，不過靚靚當時對發嫂說：「你畀啲時間識吓呢個人，隨時你會鍾意佢多過鍾意我。」
靚仔冇本心! 靚靚未驚過遇上COOL魔！星期四晚十一點,《亂噏24》約定你！