【本報訊】亞視上周四宣佈罷免雷競斌董事職務，並委任高級副總裁葉家寶為董事。葉家寶昨以執行董事身份出席亞視在深水埗舉行的活動，被問及雷競斌被炒原因時，表示暫不公佈。有傳香港電視網絡主席王維基正與亞視主要投資者王征洽談租用亞視頻道，雷競斌反對雙王合作，所以被亞視踢出局，葉家寶不置可否。
葉家寶：邊個租頻道都傾
葉家寶說：「（王維基租用亞視頻道消息）係一方面講法，可能係某些人，或者係某些報紙收到嘅消息，其實亞視一向開放，任何人有興趣同我哋合作，或者租用我哋嘅頻道，我哋係採取開放態度，邊個都會傾。」
但葉家寶證實，大約一年前，亞視曾經跟王維基傾租用錄影廠。
至於雷競斌有否反對王維基租用亞視頻道，葉家寶說：「我唔清楚，大家唔好猜度。」有指雷競斌向通訊局投訴王征干預亞視運作，葉家寶回應：「呢個係佢個人做法。」
葉家寶重申亞視的開放態度：「因為亞視要做一個開放電視台，所以呼籲唔同人士佔領亞視，喺節目方面，歡迎左派人士、中立人士同右派人士亮相《ATV焦點》發表意見。」