英甲球會卡維尼因球場長期解決唔到積水問題，喺9個禮拜內取消咗5場主場比賽，高層忍無可忍之下，上周六怒炒場地主管，決定外聘出面一啲比較有經驗嘅公司幫手解決問題，個主席仲話炒咗個主管可以減少埋薪酬支出，而且好多球會都已經轉型搵外面啲公司幫手，佢哋日後亦會循住呢個方向，唔會再請一個內部場地主管。其實卡維尼個博菲特球場都唔算太爛啫，點同我哋大球場比呀？