【本報訊】新聞界今天總動員向暴力說不，敢言的新聞人物都義無反顧撐場，包括「被辭職」的政府免費電視牌照顧問伍珮瑩。她哭着形容劉進圖被斬事件「好恐怖」，望港人珍惜仍然擁有的集會自由。
良心教師：不能再啞忍
伍珮瑩昨接受本報電話訪問時表示，今天會先安頓小孩，再出席默站或遊行，現時港人唯一能夠做的就是上街發聲，「嗰啲人咁惡，咁樣欺負我哋，梗係希望多啲人出嚟支持」。
伍為香港感到悲哀，因警察和法律都制裁不了施暴者，「好sad，我情緒都唔好。我都俾人蝦緊，好感受到佢屋企人係好唔開心」。港視主席王維基也透過發言人表示，今天會到場支持新聞自由。
「良心教師」吳美蘭曾經在庇理羅士中學向唐英年舉牌高呼「我要有權選特首」，其後轉職。吳美蘭今天會跟隨進師盟大隊遊行，指港人需要新聞界監察政府，不能再啞忍，「我覺得好痛心，傳媒報道事實，竟然要面臨咁嘅後果，背後嘅人勢力大到唔可以想像」。
她希望藉遊行向施暴者宣示市民捍衞傳媒和言論自由的決心，「傳媒係為市民服務，唔係為政府或者某人服務，市民更加要企出嚟。我唔希望香港好似大陸咁，所有人都唔敢講真相」。