【本報訊】《明報》已將逾十篇去年可能招致劉進圖受襲的報道交警方跟進，以本地新聞為主。編務總監兼總編輯張健波（圖）昨表示，過去多宗傳媒人受襲案，警方都未能破案，寄望懸紅逾300萬元可助警方作出零的突破。
「警破案率近乎零」
張昨在商台節目中表示，劉受襲前一日沒有異常，無收過警告，張認定不是個人恩怨招禍，「佢講嘢陰聲細氣，係好溫和嘅人。所以我係完全想像唔到喺佢個人方面，有任何得罪人而俾人襲擊嘅嘢，我個人判斷係一定同新聞有關。過去一段日子，係有啲新聞得罪一啲人。」但他不揣測涉那篇報道。
過去多宗傳媒人遇襲都成懸案，張稱，05年有人寄炸彈郵包給他，令秘書受傷，今次懸紅緝兇是必須，「因為涉及新聞工作者嘅案件，破案率係近乎零，我哋想打破呢樣嘢」。他指最初懸紅100萬元，其後陸續收到捐款，懸紅累積逾300萬元，「懸紅最大作用，希望佢哋（罪犯）內部鬼打鬼。否則以警方往績，都好擔心」。
張健波形容這案件如同深水炸彈，引起整個社會哄動，「如果今次破唔到案，後遺症都幾大」。他希望事件不會影響同事繼續報道事實和申張公義。張健波承認，襲擊事件對《明報》和同事都有一定影響，他亦特別提高警覺，更改平日跑步路線。