【本報訊】長實主席李嘉誠昨晨的記者會，除了花了很多時間解釋「冇能力又爭住做」外，亦再談交棒安排，表示不退休是因自己「健康咁好，幫得多啲咪幫多啲」，強調其長子、長實副主席李澤鉅隨時可「頂替佢」。
李嘉誠說︰「我噚日都講過，喺呢一秒鐘，就算我想去旅行，又或者想放假半年至一年都冇問題，因為以Victor（李澤鉅）為首嘅管理層都可以搞掂，只係打吓電話同睇吓電郵跟進吓就可以。」
指現時身家計算正確
他又指自己已不參與很多會議，全權交由李澤鉅負責。「Victor一畢業就入長實，一做就做咗30年……𠵱家長和系所有公司嘅budget meeting，佢都會去開，我自己就有好多都未必去。」他更指不喜歡李澤鉅帶工作回家處理，指李澤鉅對公司「只有蝕底，冇着數」。
李嘉誠又再否認撤資之說，指「長實一年收入就有4,000億，（賣資產）400億就話好多，係笑話」，更稱就算香港做生意較海外「賺少3% return」，仍會留港投資，並重申集團香港總部一定不會遷冊，長江中心及和記大廈亦「絕對唔會賣」。他相信，今年美國加息機會較微，明年及後年就算加，亦不會加太多。
另外，他再澄清日前指身家被海外雜誌少計，是10年前的事，現時計算正確。