曾憑《滿城盡帶黃金甲》獲第79屆奧斯卡最佳服裝設計獎提名及先後多次獲香港電影金像獎最佳美術指導與最佳服裝造型設計獎的奚仲文，最初表示「冇人有資格講，我連讚都唔敢講」，但在多番追問之下，終於忍不住透露對張叔平讚嘆心聲：「其實係五個好，好完整，有時其他服裝指導會好局部，可能只係男主角做得好，但《一》好完美完整，冇乜缺陷，所有嘢都好細緻，簡直神級一樣。」
具東方味道
張叔平將面對強大對手，奚仲文覺得幾部電影都各擅勝場，但個人偏心會選張叔平：「選得入圍嘅已經係國際水準，荷李活級數，差別唔會好大，但阿叔係代表東方、香港，我當然覺得佢好有特色，欣賞佢嘅東方味道，我會偏心選佢。」
採訪：魯萍