【本報訊】屹立香港近70年的實用書局，隨着曾任中共地下黨員的創辦人龍良臣去年逝世後，其後人終決定書局於今年6月結業，大批實用書冊，包括功夫氣功、運動醫療、宗教文史等，近日以低至三折出售回饋熟客，龍氏的孫女悲嘆賣實用書「搵唔到食」，但要親手結束爺爺的心血感歉疚，說到「對唔住爺爺」時不禁落淚。書迷及熟客依依不捨，有人惋惜：「實用……在這個消費社會，竟然變得落伍了。」
記者：關震海 張珮琪 梁瑞帆
實用書局創辦人龍良臣1917年於湖南出世，孫女龍躍飛透露龍家曾是當地大地主，從事煤炭及絲繡生意，住四合院、擁有數千名員工兼養馬，排場猶如電視劇「大宅門」。三十年代龍良臣加入共產黨做地下黨員，為了掩飾身份而開辦書局，將大宅改建學校貢獻社會，二十歲便當校長校董。
每月營業額不足萬元
1947年龍良臣與妻子逃難至香港，同年在廣東道創立「求實出版社」即實用書局的前身，包辦印刷、文人聯絡及書局，見證小書戶文化盛年。五十年代遷至當時書局林立的西洋菜南街易名「實用書局」，他在書店開闢小室，供書生住宿，方便寫作又印書，曾協助印刷的作家有蔣牧良、聶紺弩及樓適夷等。30年前遷至油麻地彌敦道麗星大廈的樓上舖，多年來在色情場所聲色犬馬的包圍下，掙扎求存。
龍躍飛憶述，96歲的爺爺去年臨終前叮囑書局毋須再成家族包袱，「佢病時我同佢講『好難做，執咗佢好唔好啊』，佢話『做唔到就唔好再做喇』。」龍躍飛幾經掙扎終決定今年6月結束爺爺心血：「堅持唔到，覺得好對佢唔住，咁多年嚟，全部啲書係佢喺大陸一手一腳一個人拖篋拖過嚟……」近20年，看書人少，生意直插谷底，她透露自2003年開始，「（每個月）收入都唔到1萬蚊，有時一日都係得一個客，我要做麥當勞養家」。
龍躍飛曾勸爺爺轉型，「我話無生意啊大佬，不如轉做教科書，佢話『唔轉唔轉，咁多人做咪由得佢做囉！』」龍爺爺不問現在，多年來堅持從內地運功夫及醫療書到港，心裏仍是念着香港文化盛況，「佢話以前開書局（西洋菜南街）好威水㗎，成條街都係書局」。
租客不能轉色情場所
不少書迷都依依不捨：「呢度主要嘅工具書都齊晒，差唔多有五、六十年前嘅書只係呢度有，無咗真係好可惜！」龍躍飛則希望結業前三折清貨，讓有心人以優惠價買到爺爺的心血，再將店舖租出，「租客唔做書店唔緊要，但係簽約列明唔可以做色情場所，做少少都唔得！」龍躍飛稱這是龍氏書香世代最後的堅持。