早前「勁硬」開金口錄咗首MV，但又驚自己一個唔夠說服力加埋玩噱頭，一口氣邀請咗好多位靚女同話題女星做女主角，包括「人力車」、「頭輪」、「主婦」同「幼齒」等助陣，平時一個女人已經好煩，更何況𠵱家係咁多個女人。
各有各騎呢
不出所料，最煩係失婚婦人力車，當正自己係一級巨星，呢樣唔好，個樣又唔得，仲想霸埋化妝間自己用，又點啲工作人員買乜買物。頭輪年紀最細都費事同啲阿姐爭，坐埋一邊打手機。主婦就全程執化妝，冇乜特別都唔會離開張化妝枱。不過，講到最好笑嘅就點都唔及幼齒，佢行為粗豪，下至衫褲鞋襪，上至打燈、鏡位都係佢話事，佢話要點拍就點拍，導演都唔敢有異議，呢個圈真係惡就得！
撰文：關仁