【本報訊】八文樓持牌或無牌賓館「梗有一間喺左近」，對區內居民造成滋擾，有住客擔心賓館隨意發放大廈保安密碼，保安系統形同虛設，猶如無掩雞籠，治安存疑。有議員指，業主紛紛將單位改成賓館，是看到高鐵西九龍總站將通車的商機，隨時豬籠入水。
居民：大廈像聯合國
雖然八文樓每幢大廈閘門都設有密碼鎖，亦有管理員看守，但《蘋果》記者巡視期間可自由出入，部份保安員雖有問記者住哪一層，記者稱是賓館住客，即獲通行。「冇牌賓館將大廈密碼亂畀人，佢哋三、兩日又轉一個客，大廈管理員點知邊個係客、邊個係賊？」租住文耀樓近20年的李小姐擔憂地說，大廈現時好像聯合國，內地人、南亞裔人、外國人，甚麼人種都有，經常進進出出，擔心品流複雜，會影響女兒安全之餘，亦關注消防安全問題：「唔知裏面啲設施符唔符合消防條例？」
油尖旺區議員（佐敦西）陳少棠對此直言，區內無牌賓館和套房問題嚴重，他不滿民政事務總署、消防處和屋宇署均互相卸責，促請政府盡快立法取締無牌賓館，以免影響大廈治安和走火問題。