【撐住業績】
長實（001）主席李嘉誠昨日認為，現時在建築成本升得比通脹更快更高的情況下，本港住宅樓價「唔會跌得落」。
去年賣樓大落後，長實今年賣樓目標300億元，李嘉誠表示，不擔心不達標，「得（標）一半，咪外國（業務）勤力啲」。
李嘉誠指，去年長實賣樓只得20億元，或多或少與政府遲遲不批售樓紙有關，李嘉誠昨亦稱「唔係我哋責任喎」，但被追問長實是否被針對，「唔批評，都已經過去咗」。他相信今年可靠海外收益撐起長實盈利。
他指地產商目前經營艱難，「今日好多地盤，建築費貴過塊地，香港過去好少有咁情形」。
李嘉誠又分析，本地地產商都看到建築、利息及時間成本已經等如現時樓價，故此，全行都會降低負債以度過這段艱難日子，有條件坐貨，「如果賣樓難，再多負債就好辛苦」。李嘉誠指，看不到樓價跌得落。
對於市民應否置業，他維持一貫意見，「有能力可以付出50%（首期），其他分期，而係自己住，幾時都買得，長遠嚟計唔蝕底，炒就唔好制，（當你）炒6個月，未必起（價）喎」。
被問到年輕人未能置業，他說：「後生仔，廿零歲，廿七、八後歲（認為）一定要買樓先至社會對自己公道，唔應該係咁」。
土儲足夠5年發展
他又表示，近年未於內地買地，是因為地價出現麵粉貴過麵包情況，「𠵱家我哋手頭（土儲足夠）5年發展，只要價格合理我哋都想買到」。
此外，長實去年全年純利352.6億元，按年增10%，核心盈利179.15億元，按年增26%。每股基本盈利15.22元，末期息派2.9元。期內營業額323.1億元，按年增4%，來自物業銷售佔275.89億元，按年升4%。