恒大周三喺亞冠首場分組賽由輸變贏，今季由博洛尼亞加盟嘅迪亞文迪可謂球隊英雄，入兩球助球隊主場反勝4:2。賽後個個隊友坐隊巴走，但呢位功臣就喺場外慘食西北風，呆等一粒鐘，皆因佢老婆話揸車嚟接佢，叫佢留喺原地等，點知遲咗成粒鐘。老婆唔熟路，迪亞文迪下次可以大條道理唔跟老婆車啦，話唔定隊友仲會帶佢體驗吓廣州嘅夜生活㖭！