毛孟靜（Miss Mo）同范國威（咖喱范）又有新搞作，成立「香港本土新聞關注組」。Miss Mo話，係希望嘗試拉闊香港新聞自由嘅光譜，除咗電視、電台、報章、雜誌等嘅傳統「第四權」媒體，仲關注埋「第五權」，即係網絡媒體嘅權益，希望公民記者都有合理採訪權。
佢哋強調自己唔係要做「揸fit人」，只係會幫受不公平對待嘅網上媒體出頭。Miss Mo話，國際新聞喺香港多數政治正確，本土新聞先係兵家必爭之地，不容無形之手繼續干擾。關注組仲因應劉進圖事件，將周日喺政總舉辦嘅「港人港嘢」集會加入守護新聞自由元素。