倪匡重返節目《亂噏24》，以嘉賓身份赴約，席間黎智英（肥佬黎）問倪匡認為這一生最虧欠誰，大情聖倪匡真情流露，坦言最對不起妻子，欠下的債今世也償還不清。節目足本版逢周四晚上11時播出，讀者可在 http://bit.ly/appletalk24重溫。
撰文：馮國康、Sidekick
【亂噏24】這集《亂噏24》搞搞新意思，平日做主持的倪匡變成嘉賓，肥佬黎甫開始便問他這一輩子覺得最虧欠了誰？倪匡想也不想便說：「我老婆啦，好唔安樂我𠵱家。我還債還咗廿幾年，到𠵱家都未還完。」肥佬黎認為倪匡妻子當日能忍受到他，是她的本事，又笑倪匡「永世都還唔完債」。
倪匡引用蠱惑仔術語說：「出得嚟行，預咗要還。」兩公婆能白頭到老得來不易，雙方都要付出和犧牲，但看到倪匡每天拖着妻子散步形影不離，實在令人羨慕。倪匡又分享不少他們的相處趣事：「佢（妻子）𠵱家好似細路哥，乜嘢都好奇，乜嘢信都要睇，銀行嗰啲單有邊個睇得明？佢又攞嚟研究一番！」也許這就是倪匡夫婦的相處之道吧。
嬉笑怒罵
相比倪匡，肥佬黎顯然「乖」得多，他又三番四次強調不能「沙沙滾」，事關寓所門外長期有狗仔隊守候，他笑說：「呢樣嘢令我死心呀！」蔡瀾提出近日狗仔隊似乎少了，可能因為肥佬黎太「循規蹈矩」。肥佬黎對於被狗仔隊跟蹤已習以為常，甚至當他們是貼身保鑣，他說：「尤其是有啲儍佬掟低把刀。我有保鑣呀，佢哋喺度影相，有邊個夠膽嚟做世界先？」倪匡則當狗仔隊是司機，有次他在街上截的士，碰巧有狗仔隊發現其行蹤，便對他說：「冇辦法呀匡叔，老細吩咐落。」倪匡答：「我冇怪你哋，你畀架靚啲嘅車我坐！你攞三架車嚟畀我揀，我坐靚啲嗰架！」之後倪匡探朋友，又吩咐狗仔隊在門外等候，待他見完朋友再接載他往下一站。
倪匡的智商和情緒智商爆燈，陳淑莊（Tanya）倒最佩服他能邊笑邊罵官員而又不動氣。倪匡即場教路：「熄晒電視上嘅聲音，睇佢哋（高官）啲表情，佢哋講啲自己都唔相信嘅嘢，好好笑㗎。你聽佢講，你會嘔呀嘛！」Tanya稱那時候見到林瑞麟便忍不住笑，她說：「嗰時見到佢，梁家傑就會同我講『佢又開着咗部VHS啦！』」肥佬黎卻不太討厭林瑞麟：「有啲人要搵食㗎嘛，搵食冇辦法嘛，唔係個個人都有使命感。」
激讚韓食
韓風最近銳不可擋，除了《繼承者們》、《來自星星的你》等韓劇受人熱捧，韓國餐廳也開到成行成市。Tanya早前獲蔡瀾介紹，到銅鑼灣時代廣場幫襯韓國餐廳School Food，最感動是遇到一班年輕有活力有禮貌的侍應，她說：「我覺得好值得去支持，因為我哋成日都睇唔起啲年輕人。」肥佬黎十分佩服韓國這民族，任何事也勇於嘗試，當地政府又鼓勵市民革新求變，令國家不斷強大。原來蔡瀾多年前曾獲該集團邀請出席演講，內容為如何將韓國食物搬到世界舞台，他上台第一句便說：「你唔好改你自己嘅味道。」台下掌聲雷動。
說到韓式食物，當然不得不提因《星星》炒熱的韓國炸雞，肥佬黎笑說：「度度都燒雞，韓國變咗燒雞城咁！」不過他認為真正好吃的炸雞少之又少，因為味道太濃，吃一次便不想再吃。
成世都有桃花運 點解蔡生會結婚？
http://bit.ly/talk243301
有心唔怕遲 六十歲都生得
http://bit.ly/talk243302
成身老婆債 倪匡出得嚟行預咗要還
http://bit.ly/talk243303
邊隊狗仔隊咁好？ 做司機仲做埋保鑣
http://bit.ly/talk243304
潮食小朋友韓國餐 陳淑莊超讚
http://bit.ly/talk243305
搞社運要路姆西 煲湯要搵老母雞
http://bit.ly/talk243306
食乜食到成面血？為食蔡生中伏鳥
http://bit.ly/talk243307
蛋 蔥 蝦 加多碗飯誇啦啦
http://bit.ly/talk243308
聽到周秀娜即刻深呼吸 陳淑莊想挑戰
http://bit.ly/talk243309a
勇氣要怎樣鍊成？原來要生仔
http://bit.ly/talk243310