【本報訊】學生眼中，劉進圖是一位溫文、謹慎的新聞工作者，也是一位熱愛工作的好老師。得知他在街頭被斬，一眾學生自發去聲援，籌辦昨日的學生集會，向暴徒高呼「They can't kill us all（他們無法把我們殺光）！」
就讀中文大學新聞及傳播學系二年級的湛婉琪（阿湛）與余思朗（Nicole），第一次與劉進圖見面就在課室內，當時正值《明報》撤換總編輯事件，阿湛憶述，「嗰排見到佢都幾憔悴，講嘢唔係太多」，兩個星期後才回復狀態，「講番多啲笑」。
漸漸地，學生都被劉的教學風采感染，Nicole說：「佢真係好鍾意自己做緊嘅嘢。」她舉例，「佢成日講講吓一啲law嘅terms（法律名詞）同埋好嚴肅嘅嘢，佢自己就會好開心喺度笑」，她又說：「新聞系入面佢係一個教到我哋傳播法嘅好老師。」
前日兩人在課堂期間得知劉進圖被斬，驚訝得不斷反問「堅定流」？後來一眾同學便聚首籌備昨日的集會聲援，並引用七十年代美國學運名言「They can't kill us all」表態，與新聞工作者站在同一陣線。