杜德偉（Alex）昨在銅鑼灣出席米高積遜（MJ）限量版手機記者會，大會送上Alex生日日期號碼的限量版手機，而身為MJ超級粉絲的Alex，亦專誠帶來當年跟MJ在清水灣的合照及親筆簽名衫作分享。回想當年見到偶像，Alex坦言心跳得厲害：「曾經有人懷疑相中係蠟像，不過當日有好多人證。其實件衫曾經遺失咗十年，當年我搬屋時將所有物品存入倉，點知有次出席MJ活動時搵唔到，當時好失望，好彩三年前再執倉時搵得番。」
Alex日前生日，他表示跟太太及家人食飯，外母則送上按摩椅，祝他身體更健康及早日生B：「若果按多幾吓可以生B，咁可以搵我去做代言人。」
採訪、攝影：馬建華