【周期中斷】
不少人睡醒後未能記起夢境，往往以為自己無發夢。原來每個人都會發夢，正常下每次發完夢，腦袋會自動刪除夢境記憶，完成整個睡眠周期，醒後便忘記夢境。除非發夢中途被叫醒，或被噩夢嚇醒，致中斷周期，便會記得夢境，故最好不要擾人清夢。
有誤解指起床後感到疲累，與做夢太多有關。張德輝解釋，其實此說法不正確，因為睡眠有發夢才對身體好，代表腦袋正重新整理訊息。有醫學理論解釋指，原來發夢期間，被人叫醒、被鬧鐘或電話嘈醒，不但令「個夢未發完」，也會打斷了睡眠周期，影響睡眠質素，引致起床後感到好攰。
都市人經常捱夜、唔夠瞓，要靠鬧鐘嘈醒，以致打斷睡眠周期。要瞓得好、發個好夢，始終要有足夠睡眠，他說「瞓到夠自然起身，就唔使鬧鐘嘈醒、打斷睡眠周期」。
《蘋果》記者