庫克（Tim Cook）接掌蘋果公司後，行事作風依然保持低調。不過，佢最近被家鄉一份報紙披露童年逸事，庫克嘅「攣毛look」亦曝光。
庫克嘅家鄉位於阿拉巴馬州羅伯茨代爾市，佢同父母及三兄弟同住。初中時庫克已經好勤力，當時教佢嘅數學老師仍印象深刻，讚佢做事認真兼可靠。一班舊同學亦讚唔停，記得庫克做過班代表，喺高中畢業典禮上發表致辭，仲獲選為「最勤力學生」。
庫克除咗讀書勁，佢都充滿音樂天份，名副其實文武雙全。庫克曾經喺樂團擔任長號樂手，又加入中學校刊編委會，興趣多籮籮。
庫克做咗蘋果總裁都好懷念兒時生活，放假就返去羅伯茨代爾探望屋企人同朋友仔。舊年12月，羅伯茨代爾官員為咗表揚佢嘅成就，宣佈每年12月10日定為「庫克日」（Tim Cook Day）㖭！