杜汶澤與日本AV女優肉搏連場的電影《豪情3D》已煞科，該片正進行後期工作，阿澤日前到東京拍電影海報，跟42L沖田杏梨、35D葵司和夕樹舞子等再續前緣，來個下半場埋身戰，不過即使她們多誘惑，阿澤自嘲生理反應時間有限。
「似返咗鄉下」
電影公司邀請攝影師夏永康操刀，阿澤前晚坐凌晨機到東京，下機稍事休息即往開工，因夏永康趕着影完又回港為福山雅治影相。阿澤重遇戲中合作的女優表現興奮，女優紛紛出動「胸」器迎戰阿澤，至激莫過於有全裸女優騎到阿澤身上，大露股罅。阿澤昨日在電話訪問風騷說：「成個月冇見佢哋，問番佢哋近況，佢哋離唔開繼續拍AV。我拍完《豪情》緊接開其他戲，都有接觸其他除衫女性，但呢次返嚟見到AV女，覺得自己似返咗鄉下，好開心。」阿澤表示所有意識大膽甫士都由夏永康指導：「老婆（田蕊妮）睇咗都譁咗出嚟。」問可有生理反應？阿澤老實說：「有都唔會有8、9個鐘啦！」
阿澤為影海報，在農曆年後開始節食，重新操肌，當拍攝完畢即放縱喪食，他說：「又炸雞又汽水，仲有燒牛肉同隊拉麵，放肆不堪，勁食大戰希望唔會令我打回原形。」他昨日收工更四出血拼。
採訪：比華利