隔牆有耳：「仁女郎」大起底 - 李八方

鐵頭仁開會時睇索女相斷正後，唔少網民對令仁哥「分心」嘅囡囡大感興趣，再次發揮娛樂圈淫照事件時嘅探索精神，將鐵頭仁喺iPad欣賞嘅「仁女郎」大起底。

網民發現鐵頭仁口味多元化，惟獨唔吼港女，當中包括35吋巨胸嘅強國𡃁模、北京電影學院校花于欣萌，佢之前係咁意客串過《甄嬛傳》同《讓子彈飛》，但相信除咗鐵頭仁獨具慧眼，冇乜香港人識。至於黃衫囡囡就叫陳岑，係2010年江蘇一個美女評審團成員；另一個皮膚白白嘅就係杭州𡃁模商雪琳。日本代表亦唔輸蝕，有上圍號稱37G嘅原幹惠，係唔少宅男嘅女神。而鐵頭仁一早因為同某AV男好似樣而被網民謔稱「AV仁」。