中環在線:林達民踢沙包sell盤 - 李華華

中環在線:林達民踢沙包sell盤 - 李華華

玩花臣都唔係長實(001)樓神趙國雄嘅專利,恒基地產(012)樓神林達民噚日介紹恒地有份發展嘅新盤,為展示住客會所有練拳空間,專登搵來又靚又弗、攞過長洲搶包山女子組冠軍嘅鄭麗莎(白衫)做人肉佈景板,林達民亦踢兩吓沙包畀大家影相交差。
聽聞,年過50嘅林達民鍾意運動,游水、滑雪都啱,又真係有玩泰拳,難怪噚日踢起沙包,都有些少功架。不過佢明顯係就住就住,踢兩下就算,可能因為着住西褲,擔心一個唔覺意大力咗,搞到條褲爆軚就唔係咁好啦。
陳奕釗攝