【本報訊】煮麥豆（又稱豌豆）煮出綠水得人驚！有大埔居民在菜檔買來麥豆，回家後用熱水烚煮5分鐘後，驚見熱水變成鮮綠色，擔心經過「加料」會中毒，最後不敢進食。有學者認為情況「不尋常」，擔心隨時食壞人。
疑加入人工色素
懷疑出售「綠水」麥豆的菜檔位於大埔鄉事會路。72歲的大埔居民吳太上周四經過該菜檔，以8元價錢買了一兜約10両麥豆回家。翌日晚上她一心以麥豆燜豬肉，先用熱水加入少許鹽烚煮麥豆，但僅5分鐘即見熱水變成鮮綠色，「好似彩雀咁綠，以前都未試過！」
吳太再清洗麥豆兩次，水的綠色仍然鮮艷。「好驚食咗中毒，屋企人都叫唔好食」，她把餘下半包麥豆交給北區區議員劉國勳，轉交食環署跟進。
記者到菜檔了解，老闆揚言麥豆無問題，「啲菜全部綠色，烚出嚟嘅水都係綠色！」但城市大學生物及化學系副教授張漢揚看罷綠水的相片後，不諱言：「只係將麥豆烚煮5分鐘，唔應該會咁樣綠色，一般係冇乜色。除非將啲豆煮爛晒變咗濃湯，就會有綠色。」張不排除麥豆加了人工色素，令賣相更鮮綠，但擔心加入其他有害物質食壞人。食物安全中心表示正跟進個案。