本身係骨科專科醫生嘅食物及衞生局局長高永文，加入政府前，喺2011年同另外六個醫生組成「七君子」名單，參選特首選舉委員會醫學界別分組選舉。呢七位醫生疏忽大頭蝦，夾夾埋埋漏報咗62.7蚊嘅選舉開支，最終為咗呢區區幾十蚊，搞到勞師動眾，要向高等法院提出選舉呈請。噚日，終於獲高等法院批准修改選舉開支申報書。
高永文同兒科醫生周鎮邦、外科專科醫生朱建華、老人科專科醫生羅振邦、骨科專科醫生潘德鄰、同埋泌尿外科專科醫生葉維晉六人，全部各自漏報7.1蚊廣告費，而骨科醫生方津生因為發多左個電郵，漏報金額為20.1元。「七君子」當中，得羅振邦無當選。
案件編號：HCMP93-97、99、100/14