陳奕迅（Eason）與太太徐濠縈、楊千嬅、蘇永康、郭偉亮夫婦、馬詩慧與琦琦等，昨日於中環齊齊撐好友何志恩的「Johanna Ho」旗艦店開幕，Eason與阿徐穿上粉紅色夫妻裝現身，他自言與Johanna是好朋友，跟太太擔任剪綵嘉賓不收分毫：「要收錢㗎咩？咁friend唔使，有靚衫送就得。」問到是否首次作夫妻裝打扮？他說：「冇，係老闆揀嘅。同Johanna識咗好耐，10年開始我嘅演唱會都係佢幫我做衫，我亦係佢兩個女嘅契爺。」
神經質發老脾
Eason又重提新年時在機場向記者發脾氣一事說：「上年覺得唔順，馬年順番，我覺得社會變緊，自己神經質，落機開年咁暢快，唔係特登發脾氣，阿徐叫我跑步就唔會咁。」提到阿徐早前跑畢馬拉松後決定開工生十個，Eason說：「佢興𡚒得滯，諗嘢諗得唔清楚，做藝術嘅人係唔理智，腎上腺上升，冇思前想後。」是否被嚇怕？他說：「我好多嘢唔識驚，有都係好事，有照應、有血緣，俾人炒咗都可以度兩嚿水。得㗎啦，浪漫啲，慢慢嚟，我哋幾sweet，孖公仔咁出嚟，係咪似little twin star？我就嚟染埋粉藍色頭。」
肥千嬅遭嫌棄
同場的千嬅笑言最近頻被指有BB，連老公丁子高也投訴她肥，千嬅說：「佢睇住《來自星星的你》都叫我望吓人哋。𠵱家減咗5磅，目標係15磅。」
另外，阿徐日前一身pink lady打扮到銅鑼灣巡舖，在店內坐鎮和幾位朋友吹水，又和朋友到後巷擺甫士影相，估計是接受雜誌訪問，及後再拿大堆靚衫坐朋友車離開。
採訪、攝影：陳慧安、梁繼光、畢紹基、林嘉慈
