今日話咁快又到咗學界D1田徑賽次天比賽,預計喺灣仔運動場又有一番龍爭虎鬥,經過上周首天激戰後,男女拔暫時領先群雄!不過,未到最後都未知勝負誰屬,好似暫列女子組總分次席嘅德望中學,中五生劉晞庭(前),上星期已不負眾望,奪標槍后冠,今朝8點半,佢又會披甲上戰場,參加唔算拿手嘅鉛球,佢話只練咗兩個幾月,唔擔保會攞到冠軍,但呢顆為學校爭取最好成績嘅心就贏晒啦!