西九新動力副主席梁偉權2011年參加油尖旺京士柏選區議會選舉，喺宣傳小冊子上話有58個團體及個人支持佢，其實佢只係得到團體嘅口頭支持，而法例係規定必須得到佢哋嘅書面確認。梁早前認罪，噚日近百名支持者到法庭撐場，包括鼠王芬。裁判官判罰款15,000元，支持者立即拍掌。
梁偉權話感謝裁判官為佢平反，又多謝資深大律師清洪義務相助。佢再提到范國威選舉經費夠超支一半，但唔使俾人告。梁最後話：「我想同逍遙法外嘅種票元凶、挑撥離間而奸計得逞嘅人講：『人在做，天在看！』」梁美芬提議修改法例，增加選舉事務處嘅職能，等佢哋可以處理選舉行政失誤事項，啲人就唔使吓吓俾廉署搵去「嘆咖啡」喎。