【中環→銅鑼灣】現年69歲嘅白韻琹（白姐姐）同55歲老公謝偉俊（Paul）耐唔中就耍花槍，去年底先傳婚變，婚姻亮紅燈，不過一切已經雨過天晴，日前佢哋就拍拖到中環置地廣場出席友人飯局，席間還有立法會議員石禮謙。阿Paul全程對白姐姐照顧有加，白姐姐當然好受落。
沿途有傾有講
當晚8點幾，白姐姐孖住阿Paul去飯局，席間佢哋同友人都好好傾。佢哋食到晚上11點幾先散席，白姐姐同阿Paul同兩名中年女性朋友一齊離開，食完仲有嘢拎走，阿Paul體貼幫白姐姐拎住，一盡紳士風度。
佢哋企咗喺路邊等的士，阿Paul先安排其中一名友人上的士，佢就同白姐姐同另一友人三人行坐另一部的士，友人先送白姐姐同阿Paul喺銅鑼灣落車，阿Paul落車後都等埋白姐姐，拖咗佢一下，過馬路時白姐姐仲主動挽住阿Paul臂彎，佢哋沿途都有傾有講，好恩愛咁樣行返屋企。
採訪、攝影：陳辰、徐錦池、畢紹基
